A Gärtle vor ond hinterm Haus
ohne des kommt a Schwoob net aus,
Salat ond Rettich, Gurka, Bohna,
wenns Gärtle do ischt soll sichs lohna.
Wer fleissig ischt ond recht viel schafft
isch gern gseha en dr Nochberschaft.

Ohne Bänkle henterm Haus
loksch koin Schwoob en Garta naus.
Obends do wird zObed gessa
ond hernoch aufs Bänkle gsessa.
Halt! Aber zerscht, solang bis dämmert
wird noch ghacked, gjätet, ghämmert.